~~ROMEO~~

Everyday Starts with Happy :)

அட பார் ரா... லுக் - 2

அட பார் ரா ...


குமார் சொன்ன ஐடியா கேட்டு இன்னொரு நண்பன் ரமேஷ் இப்படி சொன்னான். எனக்கு தான் கொஞ்சம் கூட ஒத்து கொள்ள முடியவில்லை. பின்ன குமார் சொன்ன ஐடியா கேட்டு அடிக்காத குறையா திட்டினேன். அவன் சொன்ன ஐடியா இதுதான் ராக்கிங் பண்ற பசங்கள பத்தி அவங்க பெற்றோர்கள் கிட்ட போட்டு குடுத்துடலாம் என்று. உருப்புடுற மாதுரி எதாவது சொல்லுடா நாயே என்று திட்டினேன். அவனுங்கள ஆளு வச்சி அடிச்சிடலாம் என்று ஒரு அல்ல கை சொன்னான். எனக்கு என்னமோ இது எல்லாம் பிடிக்கவில்லை .


பேசாம ஸ்டிரைக் பண்ணலாம் இவனுக ராக்கிங் பண்ணுறத பத்தி நாளைக்கு பெரிய மேட்டர் ஆகும் டிவி, நியூஸ் பேப்பர்ல எல்லாம் வரும் என்று கூறினேன். இதுக்கு பாதிக்கு பாதி தான் பசங்க ஒத்துகிடங்க. குமார் இதுக்கு சரி என்று சொன்னான். நானும் அவனும் அடுத்து என்ன பண்ணலாம் என்று டீ கடையில் தம் அடித்து கொண்டே பேசிக்கொண்டு இருந்தோம்.


ரூம்க்கு வந்தா ஒருத்தனும் காணோம், எங்க போய் இருக்காங்கன்னு தெரியல. கொஞ்ச நேரம் கழிச்சு ஒருத்தன் அழுது கொண்டே ரூம்க்கு எட்டி பார்த்தான். அவன் முகம் எல்லாம் வீங்கி போய் இருந்தது.குமார் தான் அவனிடம் என்ன என்று விசாரித்தான், சீனியர் பசங்க வந்து அவங்க ரூம்க்கு எல்லோரையும் வர சொல்லிடு போனாக. போனதும் அவனுக இவனுகள அடிச்சு இருக்காங்க. குமார்க்கு இனிமேல சும்மா இருக்க முடியாது அவனுகள தட்டி வைக்கணும் என்று கதி கொண்டு இருந்தான் . நான் தான் கொஞ்சம் பொறுமையா இரு நாளைக்கு காலைல பாத்துக்கலாம் என்று சொன்னேன். ஒவ்வொருத்தனா வீங்கிய முகத்துடன் வந்தாங்க.



எல்லோரிடமும் பரிவாக பேசி மெஸ்க்கு சாப்பிட கிளம்பினோம், எங்க குரூப்ல இருக்குற ஒருதன் பேரு கணேஷ், மெஸ்க்கு போகும் வரை ஒரு வித பயத்துடனே வந்தான்.



விதி யாரைவிட்டது மெஸ்ல எங்களுக்கு முன்னாடியே சீனியர் பசங்க இருக்குற பரோட்டா எல்லாம் காலி பண்ணிட்டு இருந்தாங்க. கணேஷ் குமார சைடுல தள்ளிட்டு போனான். அவனிடம் அந்த சீனியர் கும்பல்ல இருந்த ஒருத்தன மட்டும் அடையாளம் கட்டி இவன்தான் எல்லோரையும் அடித்தான் என்று கூறினான் .



அவனுக போகுற வரைக்கும் ஒதுங்கியே இருந்தோம். குமார் அவனுக நல்ல தண்ணி போட்டு இருக்காங்க என்பதை அவங்களின் நடை வைத்தே கண்டுபிடித்து சொன்னான்.



சாப்பிட்டு விட்டு எல்லோரும் ரூம்க்கு கிளம்பும் போது குமார் , நான் மற்றும் கணேஷ் முவரும் பின்னால் வருகிறோம் என்று கூறி மற்றவர்களை அனுப்பி வைச்சோம்.


கணேஷ் சீனியர் பசங்க ரூம் எங்க இருக்கிறது என்று காட்டினான், அவங்க ரூம்க்கு கீழ தான் பாத்ரூம் எல்லாம் இருக்கும்.



குமார் கணேஷிடம் ரூம்க்கு போய் 3 துண்டு எடுத்துட்டு வா என்று அனுப்பினான்.


அவன் சென்ற பிறகு அடுத்த என்ன பண்ண போகிறோம் என்று அவன் சொன்னதை கேட்டு எனக்கு பாத்ரூம் போகணும் போல இருந்தது .



லுக் தொடரும்...

0 ஏதாவது சொல்லிட்டு போங்க ..: